「我來唸歌囉,予恁聽啊咿~無欲抾錢,免著驚啊喂。」
逐家敢捌佇廟口抑是電視機頭前聽過這段唱念?這是過去臺灣真時行的藝術表現,藝人隨喙唸出一篇媠氣的忠孝節義。
這馬的藝術,猶原真時行,定定聯合著影像佮科技(kho-ki)的力量,台北當代藝術館佮策展人(tshik-tián-lîn)莊偉慈(Tsng Uí-tsû)為著欲予藝術創造出新的樣相,揣著一陣少年囡仔想欲表現出21世紀的當代藝術。你敢聽無?無要緊,咱著作伙來當代館聽臺語導覽著予你親像咧聽唸歌,閣看會著現此時上時行的當代藝術。
這是當代館有史以來,頭一擺臺語導覽活動!
咱邀請著藝術家陳飛豪,佮大家鬥陣「Signal Z」!
「Signal Z」由莊偉慈規劃,找來十五位/組臺灣Z世代(1990後沿到2010中沿)的藝術家,看in是欲按怎用「景觀(kíng-kuan)」(spectacle)概念走揣現此時的生活經驗,這个展覽對(uì)影像開始,tshuā大家拍開佇電子網路當中緊氣(kín-khuì)閣迷人的消費性影像內底,是按怎影響著咱的觀看方法佮意識,紲落來討論著人講的「液態毛斷性(i̍k-thài moo-tn̄g sìng)」 (liquid modernity)是按怎應驗佇這擺的策展內底,包括著私人空間佮公共場所、有影佮無影之間的重疊,抑是因為政治、經濟關係聯合組織出來的城市新嫣。
有人會問講,臺語導覽佮華語有啥物無仝?咱會使透過臺語導覽的過程,對無仝款的角度認捌作品,閣會使利用臺灣本土文化、母語來深入了解展覽主題,體會這陣Z世代少年家對咱社會所關心的方向佮個人為藝術創造的特色。
● 活動須知
1.超過A4大小的物件,入場進前請先交予本館的服務人員寄存,貴重的物件另請帶佇身軀邊並請家己保管齊全。
2.導覽期間,全程禁止錄音、錄影佮直播,會使替緣投的導覽老師翕相,但請毋通拍開閃光燈,手機仔嘛請設為靜音抑是震動。
3.若拄著風颱、地動等天災抑是其他無法度違抗的因素,按照台北市政府規定公告取消活動,無另外通知。
4.本館保有活動替換的權利,活動因故延期、取消抑是改作其他方式辦理,攏會佇本館網站與迷眾頁(Facebook)貼文公告。